Harqal ko Musalmano ki fatah ki khabar milna
Allama Waqidi likhte hain: Jab Herqal badshah ko yeh khabar mili ke Musalmano ne Hims, Rastaan aur Sheeraz par fatah hasil kar li hai, to use yeh bhi pata chala ke jo maal-daulat aur qeemti samaan usne apne ek sardaar ke liye tofa ke taur par bheja tha, wo Musalmano ne qabze mein le liya hai.
Empire ke har Kone se Fauj Jama Karna
In sab khabron ke baad, Herqal ne apne empire ke har kone se fauj jama karni shuru kar di. Usne har Christian ruler ko letter bheje ke Musalmano ke khilaaf madad bhejein. Kuch hi din guzare the ke Herqal ke paas itna bada lashkar jama ho gaya ke uska ek hissa Antioch tak pahunch gaya aur doosra Rehmat-ul-Kubra tak.
Lashkar ki Taqseem(Hisse karna)
Herqal ne apne lashkar ki taqseem is tarah ki ke kuch fauj Sham ke sahil aur Qaisariya ki taraf bhej di taa ke un ilaakon ka hifazat kar sakein. Baaki fauj ko usne Bait-ul-Muqaddas (Jerusalem) ki taraf ravana kiya aur khud Armenia ke raja aur uske lashkar ka intezaar karne laga.
Armenia ke Hukumraan ka Apni Fauj ke Sath Aana
Kuch din baad, Armenia ka wali(hukumraan) apni fauj ke sath Herqal ke mulk ke qareeb aa gaya. Jab wo qareeb pohcha to Armenia ke log izzat ke liye apni sawariyon se utar kar paidal Herqal se milne aaye. Jab un logon ne Herqal ko dekha to pehle kuch kufr bhare alfaaz kahe, phir Musalmano ki fatah ki khabar par unhone zor zor se rona shuru kar diya.
Herqal ne unhe rokh diya aur kaha:
Herqal ka Apni Qaum se Khitab(Paigham)
“Aye Christianity ke maanne walon aur Bani Ma’ Mahmood ke logon! Main ne to tumhe pehle hi in Arabon se ladhai karne se mana kiya tha, lekin tumne meri baat nahi mani. Khuda ki qasam! Main in Arabon ko apni hukoomat ke tehat ghulaam bana kar rakhunga. Tum log ro rahe ho, jabke rona aur dar dikhana to aurton ka kaam hai. Mard bano!
Maine apni daulat aur jawano ki qurbaniya di hain taa ke tumhare deen, tumhari aasmat aur zindagiyon ka hifazat kar sakoon. Tum log apne gunahon se tauba karo, apni awaam ke sath narmi ikhtiyar karo aur zulm mat karo. Agar jang mein tumhe haar ho jaaye, to sabr karo, kyunki sabr mardangi hai. Apas mein hasad aur khudpasandi se bacho, kyunki ye bimariyan jab kisi qaum mein aa jaati hain, to wo qaum zaleel ho jaati hai.”
Phir Herqal ne kaha: “Main tum sabse ek sawal karna chahta hoon!” Sardaron ne kaha: “Poochein, aapka sawal kya hai?”
Herqal ka Apni Qaum se sawal
Herqal ne kaha: “Aaj tum log taadaad aur hathiyaaron ke hisaab se Arabon se zyada ho, tumhare paas sab kuch hai, phir bhi tum haar jaate ho. Pehle to Persia, Turk rulers tumse darte the, lekin ab ye Arab tum par baar baar hamla karte hain aur tum sab kamzor ho kar laut aate ho? Ye kaise mumkin hai? Ye wahi log hain jo kabhi gareeb, bhooke aur kamzor the, na inke paas fauj thi aur na asla. Aaj ye Basra, Hauran, Ajnadayn, Dimashq, Baalbek aur Hims tak fatah kar chuke hain.”
Ek Padri ka jawab
Allama Waqidi likhte hain: Jab Herqal ne ye kaha to baaki log chup ho gaye, koi jawab na de saka. Tab ek boodha padri (buzurg aalim) khada hua aur bola:
“Aye Badshah! Kya aap jaante hain ke Arab hum par kaise ghalib aaye?” Badshah ne kaha: “Main nahi jaanta.”
Padri ne kaha: “Unki fatah ki wajah yeh hai ke humne apna deen badal diya hai. Humne Hazrat Isa (A.S.) ki taleemaat ko chhod diya hai, zulm aur na-insafi aam ho gayi hai. Ab koi aisa nahi jo nek kaam ka hukum de ya burai se roke. Hamari kaum mein na insaaf hai na ihsan, log namazain chhod dete hain, sud (interest) khaate hain, zinaa karte hain, aur badkaari aur paap sab jagah fail chuki hai. Is wajah se Allah ne hum par zaleel karne wale Arabon ko ghalib kar diya hai.”
Musalmano o ki Fatah ka Reason
Jabke doosri taraf jo Arab log hain, unka haal yeh hai ke wo apne Rab ki farmanbardari karte hain aur apne deen ki poori paabandiyan nibhaate hain. Wo Nabi par drood bhejne mein kabhi susti nahi dikhate. Unmein zulm, gussa aur aniyai (injustice) ka bilkul nishan nahi milta. Unka alam (nishan) sachai hai aur unka mashghala ibadat hai. Agar wo hum par hamla karte hain to bina fatah ke wapas nahi laut-te, aur agar hum unpar hamla karen to wo kabhi bhag kar jaan nahi bachate. Unhe yaqeen hai ke yeh duniya faani hai aur aakhirat hi asal zindagi hai.
Herqal ka padri se ittefaq karna
Allama Waqidi likhte hain: Jab padri ne yeh baatain kahi to Herqal badshah aur uski poori kaum ek awaaz mein bole:
“Masih ki qasam! Aap bilkul theek keh rahe hain. Yeh hamari bad-kaarion aur na-farmaanion ka nateeja hai ke Arabs hum par ghalib aa gaye aur fatah pa rahe hain. Agar hamari kaum ka yeh hi haal raha to hum kabhi bhi fatah hasil nahi kar sakte, balki ek din hum khud poori tarah maghloob ho jaayenge.”
Herqal ne mayoosi ke lehje mein kaha: “Agar yeh baat sahi hai to main apni badshahat se haath uthata hoon. Main sab faujon ko unke shehron me wapas bhejta hoon, aur main khud apni daulat aur parivaar ke sath Sooriya jaa raha hoon, wahan se Constantinople (Istanbul) ke taraf chala jaaunga. Shayad is tarah mujhe Arabon se aman mil jaaye.”
Jab qaum ne Herqal ki yeh mayoosi dekhi to sab log dono haath jod kar khade ho gaye aur arz kiya:
Qaum ki Harqal se Request
“Aye azeez badshah! Aisa hargiz na keejiye! Apne deen-e-Masih ko zaleel mat kijiye. Agar aap humein is haalat mein chhod kar chale gaye, jabke Arab log hamare khilaf ikattha ho chuke hain, to roz-e-qayamat aapse sawal kiya jaayega ke aapne deen-e-Masih ko zaleel kyon hone diya? Us din aapke ancestors aapka daaman pakad lenge aur aapko sharminda hona padega.
Agar aap Mulk e Shaam chhod kar chale gaye, to Arab hum par chha jaayenge, jabke humne aisi badi fauj tayyar kar li hai jaisi duniya ke kisi badshah ke paas nahi hai. Aap sirf hukm deejiye, hum Arabon ka muqabla karne ke liye tayyar hain. Hum yaqeen rakhte hain ke Masih zarur hamari madad karenge. Aap himmat rakhiye, aage barhiye, hum sab aapke saath hain.”
Refrence
Futuh al-sham by Allama Waqidi book and hadith
Other Post
War & History
20 Sahaba Ne Romeo Ke Rastan Qile Ko Jeeta
Roman Army Ko Muslim Army ka Dar : Jung e Yarmouk Part 2
Islamic Finance System
Islam Mein Maaldaari: Quran Aur Sunnat ki Roshni Mein Maal Ki Ahmiyat
Islamic Business & Entrepreneurship Rules
Seerat e Mustafa
Wiladat(Paidaish)-e-Muhammad Mustafa
Prophet Muhammad ﷺ ke Bachpan ki Kahani:Doodh Peene ka Waqia
Shakke Sadr Ka Waqia | Nabi Muhammad ﷺ Ka Bachpan Aur Seene Ka Chaak Hone Ka Moajiza
Dr Iqbal
Himalaya – Desh Se Muhabbat ka Paigham
Tarana e Hindustan – Dr Iqbal Shayari